أسوار //كتب قصي ابو الحسن :
انت شلون تعرف الوضع خرط من راتب رئيس الجمهورية 50 مليون مع النثرية والمخصصات والوقود والضيافة بالشهر 250 مليون الى 300 مليون من غير مصاريف الإيفاد والسفر وتذاكر الطيران اما اذا مع الحماية يوصل الرقم مليار شهريا، فيما راتب الشهيد 600 الف لزوجته قد يصل مليون شهريا في ظل الاسعار التي اكلت قوت الفقراء !!
رئيس الجمهورية الذي يستنزف موازنة البلد فقط يستنكر من طريق تويتر بتغريدة مثل اي ناشط مدني
المصيبة راتب المعلم او الاستاذ الجامعي المحاضر 250 الف بالشهر
واني عقد مع الكلية مالتي استاذ جامعي دكتوراه استلم كل ثلاث شهور 200 الف فقط واخر راتب مال شهرين استلمت 117 الف فقط يعني بالشهر 57 الف,
شنو شغل رئيس الجمهورية؟
الجواب .. يعرب عن قلقة أزاء مايحدث ويشجب ويستنكر
يعني اذا نحسبها حسبه عرب يروح امك هاي السنة كلها هو عبر ٣ مرات عن قلقة جديات احجي حاسبهم. .. وحدة بقصف مطار اربيل ووحدة اثناء التباحث لتشكيل الحكومة والثالثة والاخيرة اليوم بعد القصف التركي لمدينة دهوك
نستنتج انه من شهر ١ لحد هسه هو مستلم ( 350 مليون دينار) نقسمهن على عدد القلقات يطلع الناتج 161مليون و666 الف على القلقة الوحدة
-واللهي خوش شغل ابد مو متعب-
